HIKAYAT PRANG SABII

Salam alaikum walaikôm teungku meutuah
Katrôk neulangkah neulangkah neuwôe bak kamôe
Amanah nabi ya nabi hana meu ubah-meu ubah
Syuruga indah ya Allah pahala prang sabi

Ureueng syahid la syahid bek ta khun mat
Beuthat beutanl ya Allah nyawoung lam badan
Ban sar keunung la keunung senjata kaf la kaf
Keunan datang l ya Allah pemuda seudang

Dimat kipah la kipah saboh bak jaroe
Jiprh judo woe ya Allah dalam prang sabi
Gugur disinan-disinan neuba u dalam-u dalam
Neupudük sajan ya Allah ateuh kürüsi

Ija puteh la puteh geusampoh darah
Ija mirah ya Allah geusampôh gaki
Rupa geuh puteh la puteh sang sang buleuen trang di awan
Wat tapandang ya Allah seunang lam hatee

Darah nyang ha-nyi nyang ha-nyi gadôh di badan
Geuganto l tuhan ya Allah deungan kasturi
Di kamoe Aceh la Aceh darah peujuang-peujuang
Neubi beu mayang ya Allah Aceh mulia

Subhanallah wahdahu wabi hamdihi
Khalikul badri wa laili adza wa jalla
Ulon peujoe pô sidroe pô syukur keu rabbi ya aini
Keu kamoe neubri beusuci Aceh mulia

Tajak prang meusôh beureuntôh dum sitre nabi
Yang meu ungkhi ke rabbi keu pô yang esa
Soe nyang hantem prang chit malang ceulaka tubuh rugoe rôh
Syuruga tan roeh rugoe rôh bala neuraka

Soe-soe nyang tem prang cit meunang meutuwah teubuh
Syuruga that roeh nyang leusoeh neubri keugata
Lindông gata sigala nyang muhajidin mursalin
Jeut-jeut mukim ikeulim Aceh mulia

Nyang meubahagia seujahtera syahid dalam prang
Allah peulang dendayang budiadari
Oeh kasiwa-sirawa syahid dalam prang dan seunang
Dji peurap rijang peutamông syuruga tinggi

Budiyadari meuriti di dông dji pandang
Di cut abang jak meucang dalam prang sabi
Oh ka judô teungku syahid dalam prang dan seunang
Dji peurap rijang peutamông syuruga tinggi.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

Trackbacks (0)

  1. No trackbacks yet.

Comments (0)

  1. No comments yet.

Leave a Reply





stack